ـ ۲. تیگرهگیمدهگی کیشیلرنی ایکّیگه بولدیم، اولکهلرنینگ فتح یا ده فتح ایتکن مـمـلـکـتلر ادارهسی اوچون بعـضیلری قیلیچلر بیلن و بیر قطارلری ایسه مشورهلری بیلن مینگه یاردم ایتدیلر. اولرنینگ اقبالی یوقاری کیتیشی اوچون، اوز یانیمگه آلدیم. اولر کوشکیم نینگ زینتی ایدیلر.ـ
ـ ۳. دشـمـن نـیـنـگ اردولـریگـه غـالـب چـیـقـیـش و ایـالـتلرنی فتح ایتیش اوچون، عالملر و امیرلر بیلن مـصـلـحـتلَـشـدیـم. دولـت ادارهسـی اوچـون انـسـانیـت، صبـر و ملایمت بیلن آلغه کیتدیم. هیچ مصروف بولمهگندیک کوریندیم، لیک برچه حالتلرنی عقلیم بیلن توشیندیم.ـ
ـ ۴. حـکـومـت ادارهلـریـده قـانـوننی رعایت ایتیش و انتظام شو حد گه ایدی که وزیرلر، امیرلر، عسکرلر و خـلـق یـوکـسَک مـقامگـه یـیـتماق اوچون خلاف ایش قیلمَس ایدیلر و هر کیم اوز بجرهدیگن وظیفهسیدن ممنون ایدی.ـ
ـ ۵. عسـکـرلـریمگه جسارت بیریش و راضیلیگینی قولگه کیلتیریش اوچون هر قنچه کیرهک بولسه هم آلتین و جوهـر صرفلَشدن اوزیمنی ایهمهدیم، اولرنی اوز سفرهمگه اولتیرغیزدیم. بوندهی قدرلی بازولریم و جان کویرلریم نینگ یاردمی بیلن ییگیرمه ییتی امپراطورلیک نینگ حاکمی بولدیم.ـ
ـ ۶. عـدالـت و طـرفسیزلیک بیلن الله (ج) بندهلری نینگ یخشیلیگینی ایستهدیم و اولرنینگ دقّتینی اوزیمگه قرهتدیم.ـ
ـ ۷. سیدلر، عالملر، فقه بیلیمدانلری و تاریخچیلر بیلن یخشی معامله ایـتـدیـم. یـخـشـی و بـاتور آدملر دوستلریم ایـدی (چـونـکـه الله ج بـولـرنـی سیـوهدی). عالملر بیلن یقین ارتباطده بولدیم و اولردن مصلحت آلدیم، اولرنـیـنـگ خـیـرلی دعالری مینگه ظفرلر قازاندیردی. فقیر و کیمسهسیزلرنی حمایه ایتدیم، اولرگه ذرهچـه زیـان ییـتـیـشنـی ایستهمهدیم و هیچ بیر ایستـَکلریگه قرشی چیقمهدیم. بیراو نینگ ارقهسیگه یمان گپیرگن کیشینی سراییمدن چیقاردیم و یلغان سوزلرگه ایشانمهدیم.ـ
ـ ۸. هر بـیـر مـسؤولـیـتیمنی توغری شکلده بجریشگه، ثابتقدّم ایدیم. بیر ایشنی باشلهگندن سونگ، دایما فکـریم او بیلن مشغول بولردی و او ایشنی موفقیت بیلن تماملَمهگنیمچه تینچیمَس ایدیم. هیچ بیر زمان عمللریم، سوزلهگن سوزیم بیلن قرشی بولمَس ایدی.ـ
ـ ۹. خـلـق نـیـنـگ حـالیدن خبـردار ایـدیم، بویوکلر بیلن ایناغهم دیک و کیچیکلر بیلن بالهم دیک معامله ایتدیم، هر ایالت و شهر خلقی نینگ حالی و وضعیگه ماس معامله ایتدیم.ـ
ـ ۱۰. بـیـر قـبـیـلـه، بـیـر عـرب یـا عجم مینینگ بیراغیم سایهسیگه کیلماق ایستهگنده، بیکلرینی عزت و احـتـرام بیلن قبول ایتدیم و باشقه کیشیلری بیلن هم مقام و اعتبارلریگه قرهب اوزیمگه یقین توتدیم. یخشیلر بیلن یخشی معامله ایتدیم و یمانلر گه هم جزالرینی بیردیم.ـ
ـ ۱۱. بـالـهلــریـم، نـبـیـرهلـریـم، اورتـاقلر و فکرداشلریم و مین بیلن باغلیق بولگن هر بیر کیشی مینینگ یخشیلـیـگـیـمدن بـهـره آلـدیلـر. اقبال و سعادتیم نینگ یوکسَک و یوقاری بولگنی هیچ کیمنی ایسیمدن چیقاریش گه سبب بولمهدی.ـ
ـ ۱۲. دایـمـا عـسـکـرلـرگـه حـرمـت ایـتـدیم. هر دایم سعادتنی فانی دنیا گه اوستون توتکن کیشیلرگه تشکرلیک ایتیش لازم. اولر جهاد گه اوز جانلرینی فدا ایتهدیلر.ـ